بسم الله الرحمن الرحيم من أكثر القطع اللي عجبتني في الطلبية. شكله كشخة ومرتب، وأكثر شيء حبيته إنه مو نفس ستايل الجكيتات المعتاد، له قصة مختلفة وتعطي لوك أنيق حتى مع أبسط التنسيقات. اللون رايق جدًا وسهل يتلبس مع أكثر من قطعة، ويعطي إحساس هادئ وفخم. الخامة جيدة بالنسبة للسعر، والخياطة مرتبة، والقطعة بشكل عام طالعة أجمل من المتوقع. المقاس فيه وسع بسيط، وأشوفه مناسب للمحجبات لأنه يعطي تغطية حلوة وما يكون ضيق. لكن إذا كنتِ تحبين اللبس يكون مفصل على الجسم، يمكن تفضلين تنزلين مقاس. الشيء الوحيد اللي لاحظته إنه بسبب قصته الواسعة شوي ممكن يعطي إيحاء أكبر للجسم أو يسمن شوي، لكن يعتمد على التنسيق والقطعة اللي تلبسينها تحته. بالنسبة لي هذا ما أزعجني لأن اللوك بشكل عام طلع حلو. صراحة أعجبني مرة، وخليته لأقرب سفرة إن شاء الله لأنه من القطع اللي تحسونها ترفع الإطلالة بدون تكلف. إذا عجبك ستايله فلا تترددين، أشوفه يستحق وسعره مناسب مقابل شكله وجودته بس بلبس تحته بدي ابيض وافتحه شوي من فوق ينفع مع جينز او بنطلون ابيض ينفع برضو كاجوال او مع بدله كشخه مدري المهم اطلبوه تعبت وانا اكتب دمتم سالمييييين